web analytics

China k rahnumaon aur afsaran par America ne safri pabandi aaid kar di.

America ne Chini companion par pabandi k bad ab China k sarkari afsaran aur hukamran jamaat k chand rahnumaon k Amreeki visoon ko mansookh kar k safri pabandi aaid kardi hai .

samaji rabtay ki web site twitter par Amreeki Wazeer e Kharja Mike Pompeo ne apni tweet mein China k sarkari afsaran aur Communist Party k rahnumaon k visoon par pabandi aaid krny ka ilaan kya hai ta-hum unhon ne in afsaran aur Party rahnumaon k naam aur tadaad se aagah nahi kya .

Amreeki Wazeer e Kharja ne apni tweet mein likha ke safri pabandi ki zad mein aanay wale afraad China k sobay Xinjiang mein Muslim aqliat ko jabri qaid mein rakny aur mazalim dhanay k zima daar hain aur ye pabandi us waqt tak jari rahe ge jub tak aqliaton ko un k tamam bunyadi haquq ki farahmi ko yaqini na bana lia jai .

dosry janib China ne Amreeki pabandiun ko bain alqawami taluqaat k bunyadi asoolo ki khilaaf varzi qaraar daitey huwey kaha ke America khud bhi sangeen insani haquq ki khilaaf wazeeron mein mulawwis hai jahan tarkeen watan kay khilaaf insaniyat soz sulook rawa rakha ja raha hai ،bay ja pabandiun se tarkeen watan ki zindagi ajeeran hogai hai .

wazeh rahe ke guzashta roz he Amreeki mahkma tijarat ki janib se China k 28 sarkari aur karo bari adaron ko bhi black list kar dia gya tha jin mein negrani k aalat bananay wali company Hikvision ،masnoi zahanat ki companion M.A.G.O.I. technology ,Airsense Times bhi shamil hain

(Visited 4 times, 1 visits today)

Leave a Comment