Bazah Al Mansui ne khalaa mein jaane k bad ye dosry tasveer bheji hai ،jo buhat ziyada maqbool ho rahi hai
Dubai (3October 2019ء) Muttahida Arab Emarat ki tarikh mein 29 September 2019ء ka din aik tarikhi din tha jub pehli baar ksi Emarati khalaa baz ne khalaa mein Qaim kiye gay bain alqawami khalai station par qadam rakha .
us moqa par Emarati khalaa baz Bazah Al Mansui ne apney twitter account se zameen ki aik tasveer share ki thi .ab in ki janib se Makkah Muazamma ki bhi aik tasveer kheench kar share ki gai hai .
us tasveer k sath Bazah Al Mansui ne imaan afroz tabsara krty huwey likha hai ke ”ye wo Makkah Muazamma hai jis ki taraf ehl imaan k dil khinchay chalay atay hain ،jis k deedar k liye muslman har waqt duain krty hain aur jahan pohanch kar apney dilo ki muradain mangty aur apney parwar digaar se duain mangty hain .
bradar mulk Saudi Arab k liye bhar Pur mohabbat aur aqidat k sath Makkah Muazamma ki tasveer pesh ki jati hai .