web analytics

Israil ko mannay ka sawal he paida ni hota: Imran Khan

Wazir e Azam Pakistan Imran Khan ne Newyork mein Asia Society se baat krty huwey apna moaqif wazeh kar dia.

Newyork (27 September 2019ء):Wazir e Azam Imran Khan dora America par moujood hain jahan wo ajj Aqwaam e Muttahida ki General Assembly se khitaab karen gey .

guzashta roz Wazir e Azam Pakistan Imran Khan ne Newyork mein Asia Society se khitaab kya .us doran anchor ne Wazir e Azam Imran Khan se sawal kya ke kya Pakistan Israil ko mannay ja raha hai jis par Wazir e Azam Imran Khan ne do tok moaqaf apnatay huwey wazeh kaha ke ye app ko kis ne kaha hai Pakistan ki us par bari sedhi position hai jaisa ke bani Pakistan ne kaha ke Falisteen ka masla hal hone tak Israil ko mannay ka sawal ni paida hota.

Wazir e Azam Imran Khan k us bayan ki video social media par viral ho rahi hai jisay awam ki janib se saraha ja raha hai .

social media saarifin ne kaha ke guzashta kuch mha se Pakistan ki janib se Israil ko tasleem kiye jaane k muaamlay par qayam arainia aur na magoiyan ho rahi theen jis ki hukomat ne baarha tardeed bhi ki aur ab Wazir e Azam Imran Khan ne bain alqawami Form par bhi us nazar hai ya imkaan ki wazeh tardeed kar di hai jo us baat ka wazeh saboot hai ke Pakistan Israil ko tasleem krny ka koi arada ni rakhta.

Wazir e Azam Imran Khan k us bayan k bad Pakistan aur Pakistan ki mojuda hukomat k khilaaf propaganda krny walon ko munh tor jawab mil gya .

us k ilava Newyork Asia Society se khitaab krty huwey Wazir e Azam Imran Khan ne mazed kaha tha ke Maqbooza vadi mein khoon reizi ka khadsha hai ،Aqwaam e Muttahida aur dunia masla Kashmir par fouri action lay ،Pakistan aur Bharat mein kashidgi barh sakti hai ،jang ki dhamki ni ،dunia ko sangeen surat e haal se agah kar raha hon.

(Visited 1 times, 1 visits today)

Leave a Comment