web analytics

Liaqat Qaimkhani k ghar se 10 arab k asaasy niklay.

Karachi : NAB hukam k hothon girftar sabiq DG Parks Liaqat Qaim Khani k ghar se bar amad zaiwarat aur naqdi ki maaliat 10 arab rupay se zayed banti hai jis par NAB ne milzim k khilaaf 3 mazed references Qaim krny ka faisla kya hai.

sabiq DG Parks aur Mayor karachi k Masheer Liaqat Qaim Khani k hawale se Corruption k pay dar pay inkashfat saamne aa rahe hain ،bare paimanay par bad unwani k ilzaam mein NAB hukam k hothon girftar sabiq DG Parks Liaqat Qaim Khani k ghar pur taeeish aur chamchati kaaron k bad jumay ko in k ghar k lockers se NAB hukam ko zaiwarat ،saving certificates aur prize bonds k ilava deigar ahaam noiat ki dastaweez milain .

zarraiye k mutabik Liaqat Qaim Khani ne ghar mein moujood locker ka code NAB hukam ko doran e tafteesh btaya jis ki bana par numberon se khulnay wale ahni tajori se karoro rupay k zaiwarat aur deigar ashia milain ،Liaqat Qaimkhani k ghar se bar amad sonay ki ashia ki maaliat 15 karor rupay se zayed hai jabkay ghar se bar amad KMC dastaweez mein Bagh ibn e Qasim k funds ki files bhi shamil hain .

zarraiye ka kahna hai ke Liaqat Qaim Khani k ghar se bar amad asaason ki maaliat 10 arab rupay se zayed banti hai ،issi tanazur mein NAB hukam ne Liaqat Qaimkhani k khilaaf 3 mazed references Qaim krny ka faisla kya hai jabkay jali accounts case k ilava Liaqat Qaimkhani par aamdan se zayed asaasy bchane aur Corruption jali dastaweez k reference bhi daair hon gey۔

Zarraiye NAB ka kahna hai ke Liaqat Qaimkhani ne Parks mein jali kaam karany k liye jali companian banai hoi theen ،in companio k naam par funds releaz kiye jatay the jis se ksi ko koi hissa ni dia jata tha.

Dosry janib Liaqat Qaim Khani k ghar se bar amad dastaweez k zariye KMC kay mahkma baghaat se mutaliq ahaam inkashfat saamne aagaye ،zarraiye NAB ka kahna hai ke Liaqat Qaimkhani ne bees saal mein karachi k 71 Parks ko sirf kaghazaat mein banaya aur aik arab se zayed harrap kar liye ،milney wali dastaweez se Corruption k paisay KMC afsaraan sabiq uhd e daron aur ahaam siyasat dano ko bhi hissa dene ka inkashaaf hawa hai.

Zarraiye NAB k mutabik Liaqat Qaimkhani 2007 se ghair qanooni toor par KMC k Masheer e baghaat the ،grade ekkees mein retirement k bad KMC se aik lakh rupay pension bhi wasool krty the ،Liaqat Qaimkhani ne Assistant director k uhday se mulazmat ka aghaz kya aur akhri salary siwa lakh rupay wasool ki.

(Visited 4 times, 1 visits today)

Leave a Comment