web analytics

”mujhey Saudi adalat par poora aitmaadi hai “ . Salah Khashoggi ka twitter paigham

Salah Khashoggi ne twitter par mazed likha ke mein apney walid ki tarah apney watan aur apni qayadat k sath mukhlis rahu ga.

Jeddah (1 October 2019ء) Saudi sahafi jamal Khashoggi k Turkey mein waqia Saudi safarat khanay mein behmana qatal k waqeye ko aik saal se zayed ka arsa guzar chuka hai .

us muaamlay mein Saudi Wali ehd Muhammad bin Salman par bhi ungaliyan uthtai rahein aur inhain us qatal ki waardat k asal mansooba saz honay k hawale se bhi media par nat naye ilzamaat saamne atay rahe .

maqtool sahafi jamal Khashoggi k betay Salah Khashoggi ki janib se walid k qatal k aik saal guzarny k bad un ka twitter paigham saamne aya hai .

Salah Khashoggi ne twitter par likha hai ”dushman mere walid k qatal par aik saal guzarny ka bahana bana kar mere mulk aur meri qayadat par ilzamaat ki bochharh kar rahe hain” .

halnky mere walid ne apni zindagi mein kabhi bhi watan aziz ki harzah siraei ni ki aur un ki wafaat k bad mein bhi mumliqat k dushmano ka aisa moqa harggiz faraham ni krun ga mein apni kahi hoi baat duhraya hon ke mujhey Saudi adalat par poora itmaad hai .mere walid ko qatal krny walon k sath insaf k mutabik bartao kya jai ga .

“Salah Khashoggi ne apni tweet k akhir mein likha ”mein apney walid ki tarah apney mulk aur apni qayadat k sath mukhlis rahu ga” .

Salah Khashoggi ki ye tweet us qadar viral ho gai ke sirf do gante k andar andar usse do hazar se zayed martaba ri tweet kya gya aur us par 1000 se zayed comments bhi ki ja chukay hain .

wazeh rahe ke Saudi media mein ye khabrain bhi aati rahein ke Saudi hukomat ne Khashoggi k wersa ko karoro riyal deet ki mad mein de dia hai .jis ki waja se Khashoggi k lawaiqeen us sare muaamlay par khamoshi ikhtiar kar baithey hain.

(Visited 8 times, 1 visits today)

Leave a Comment