web analytics

’’Saudi Arab mulazmat dene wala dunia ka tisra bara mulk ‘‘

Aqwaam e Muttahida ne ilaan kya hai ke Saudi Arab 2019 k doran ghair mulkio ko mulazmat k mawaqy faraham krny wala dunia ka tisra bara mulk hai .

Akhbar 24 k mutabik Aqwaam e Muttahida ne apni report mein btaya hai ke 2015 k doran Saudi Arab mein bar sar rozgaar ghair mulkio ki tadaad 10.8 million thi .ye 2019 mein barh kar 13.12 million tak pohanch gai .

Puri dunia mein ghair mulkio ko rozgaar k sub se ziyada mawaqy faraham krny wala mulk America hai jahan 50.7 million ghair mulki mulazmat karrahey hain.

America k bad Germany ka number hai jahan Aqwaam e Muttahida ki report k mutabik 13 million ghair mulki moujood hain .

Report k mutabik aisay log jo ksi ghair mulk mein aik baras se ziyada arsay tak barza o rughbat ya majburan qanunan ya khilaaf qanon rehaish pazir reh chukay hain in mein se 50 fissad 10 mamalak mein reh rahe hain .

America ،Germany ،Saudi Arab ،wafaqi Russia ،Bartania ،Muttahida Arab Emarat ،France ،Canada ،Australia aur Italy wo mamalak hain jahan naqal makani krny wale 50 fissad ghair mulki sakunat pazir hain.

(Visited 6 times, 1 visits today)

Leave a Comment