web analytics

Saudi Arab par hamlay k zima daron kay khilaaf karwai keliye tyar hain : Trump

Washington: Amreeki sadar Donald Trump ne kaha hai ke Saudi Arab par hamlay k zima daron kay khilaaf karwai keliye tyar hain.

Amreeki sadar Donald Trump ne tweet krty huwey kaha ke Saudi Arab par hamlay k bad tail ki qeematon par parney wale asraat k baaes Amreeki eendhan k zakhair se tail jari krny ki manzori de di hai ،tail ki miqdar ka taeyun market ki zaroriat k mutabik kya jai ga ،logo ko ghabarany ki zaroorat ni ،market mein tail ki wafir miqdar moujood hai.

Donald Trump ne kaha ke Saudi Arab ki tail ki supply par hamla kya gya hai ،ham jantay hain ke in hamlon mein kon mulawwis hai ،jis ki tasdeeq krny k bad ham ne us par hamlay k liye nishana bhi bandh liya hai aur karwai k liye mukmal tyar hain ،lekin ham Saudi Arab k muntazir hain ke wo kse apni tail supply par hamlay ka zima daar thehrata hai ،aur ye ke kin asool o sharait par hameen aagey barhna chahiye .

Hafte k roz Saudi Arab mein tail ki do bari aur ahaam tansibaat par drone hamlay huwey the jis k natijay mein in mqamat par aag lag gai aur kafi maali noksan hawa .

America ne ilzaam lagaya hai ke in hamlon mein Iran ka hath hai ta-hum irani hukomat ne ye ilzaam mustarid krdia hai .Saudi tail tansibaat par hamlon k bad alimi mandi mein tail ki qeematon mein izaafa hogaya hai

(Visited 6 times, 1 visits today)

Leave a Comment