web analytics

Sehat card hasil karney k liye ehliat check karnay ka tariqa.

Jab jaib mein paisay na hon aur mohabbat ka koi rishta bimari mein mubtila ho to insan ki majboori usay khoon k aansu roney par majboor kar deti hai ،bimar to takleef mein mubtila hota he hai magar usay takleef mein daikh kar sare ghar wale aik na khatam hone wali takleef mein mubtila ho jatay hain aur la chaari ke ye dastan Pakistan k har gareeb k ghar ki kahani hai ،jahan khane k liye paisay ni hoty wahan dawai kaise kharidi ja sakti hai .

Hukomat Pakistan ne gareeb k issi dard ko samjhnay ki koshish ki hai aur sehat saholat program k tehat sehat insaf card ka ijjraa karna shuroo kya hai ،us card ko hasil krny k bad gareeb khandan hakumati aur private hasaptalon mein apna aur apney ehl khana ka muft ilaaj krwa sakain gey.

Hukomat Pakistan ne us card ka ijjraa 2 categories mein karna shuroo kya hai

Pehli Category: 

Es mein aap 60،000 tak ka ilaaj muft krwa sakte hain aur card ki raqam khatam hone k bad us card mein 60،000 tak ki mazed raqam shamil ki ja sakti hai .

Pehli category jisay secondary care ka naam dia gya hai mein aap darja zaail bimariyon ka ilaaj sehat card ko istamaal krty hoye krwa sakte hain .

Tamam bimariyan jis mein medical ya sur gery shamil ho .

Emergency ilaaj jis mein mareez ko hasaptaal mein dakhil karna paray,

Maternity service jis mein normal delivery aur C section delivery shamil hai .
Maternity consultation jis mein bache ki paidaish se pahley 4 dafa Doctor se muaina aur bache ki paidaish k bad 1 dafa Doctor se muaina shamil hai .

Maternity consultation jis mein family planning aur khorak k liye nutritions shamil hain hadsati toor par zakhmi hone aur haddi wagaira k toot jaane ka ilaaj shamil hai . bimari ki sorat mein hasaptaal tak aanay k liye transport ka 1000 rupay tak ka khrcha shamil hai .

Dosri Category : Es mein 3 lakh rupay tak ka ilaaj muft kya jai ga aur us card par paisay khatam hone k bad 3 lakh tak k izaafi funds hasil kiye ja sakte hain۔

Is category mein aap darja zaail bimariyon ka muft ilaaj krwa sakte hain .

In Patient Services ( tamam medical aur surgical procedure ).
Dil ki bimariyan (angioplasty aur high pass operation ).
Diabetes Mellifluous Completions.
jalnay aur arty A ki sorat (Life Limb Saving Treatment implants Prosthesis).
gurday ki akhari stage ki bimari jis mein dialysis shamil hai .
Chronic Infections Hepatitis aur H I V wagaira .
jigar ،gurday ،dil aur phephray fail hojai ki sorat mein .
cancer ka ilaaj jis mein camo ،radio aur surgery shamil hai .
Neuro surgical procedure .

Pakistan k sheher jahan aap Sehat Card hasil kar sakte hain

fil waqt ye saholat Pakistan k 53 shaehron mein shuroo ki gai hai jin ki tafseel aap es link ko khol kar  hasil kar sakte hain

Sehat card hasil krny k liye ehliat .

Agar aap ka taluq in 53 shaehron se hai aur aap sehat card hasil karna chahtay hain to card hasil krny k liye sub se pahley aap ko dekhna hoga ke aap card hasil krny k liye ehl hain ya ni ،us kaam k liye apney qoumi shanakhti card ka number 8500 par S M S karen ،aap ko foran jawabi msg wasool hoga jis se aap ko pata chal jai ga ke aap ko card mil sakta hai ya ni .

Agar aap card hasil krny k ehl hain agar aap ko sehat saholat ki taraf se S M S krny k bad ya web site par shanakhti card number dakhil krny k bad paigham mila hai ke aap sehat insaf card hasil krny k liye ehl hain to apney District mein sehat insaf card distribution center se jar kar card hasil karlen .

Bimari ki sorat mein card hasil krny k bad bimari ki sorat mein ilaaj k liye sarkari hasaptaal ya hukomat k muntakhib kardah private hasaptaal mein jatay huwey apna card aur qoumi shanakhti card hamra lay kar jayain aur agar khandan mein se ksi bache ka ilaaj krwana ho to uss ka bay forum sath lay kar jayain.

(Visited 69 times, 1 visits today)

Leave a Comment