web analytics

Sehat card hasil karny ka tariqa .

Sehat Card kya hai ye aapko kahan se mily ga aur app ne usko kaise istamaal karna hai ?

Sehat Saholat Program mein shamooliat kay liye National Poverty Survey mein 32.5 se nichay ratting wale tamam khandanon ko ye card automatic system k zariye diye jayain gey . Sehat card fi card insurance 7 se 9 lakh tak hai.

Ab ye Sehat card hai kya ye aapko kahan se mily ga aur app ne usse istamaal kaise karna hai ? .

Sub se pehli baat ke ye hukomat ka buhat hi zabardast iqdaam hai aur us ka ziyada tar faida Pakistan k gareeb tabqay ko hai jo ba mushkil apney ghar k akhrajaat chala rahay hoty hain aur jub kabhi ghar ka fard bimar ho jai aur ilaaj k liye ksi achy hasaptaal jana par jai to pore maheny ka budget darham barham ho jata hai ،aur kayi kayi mahinon tak in ko qarzon k bojh talay rahna parta hai.

Us se pahley ye program America k Sadar Barack Obama ne shuroo kya tha lekin Sadar Trump ne atay hi in mansooby ko khatam kar dia jis ki waja se ajj kal usse tanqeed ka samna karna parh raha hai .ab is tarha k falahi kaam Pakistani hukomat apney nichlay tabqay k liye mutarif krwa rahi hai .

Us mansooby se Pakistan k dedh  karor khandan yani agar aik ghar k 6 afraad osat nikale jai to ye card 9 karor afraad k liye kaaramd sabit ho sakta hai us card ki insurance 7 lakh se 9 lakh tak ho ge matlab aik khandan yani 6 afraad aik saal mein 7 se 9 lakh tak ka free ilaaj na sirf sarkari bulkey dairh so se ziyada private hasaptalon se bhi krwa sakte hain.

Yeh card aapko kaise mily ga ?.

Sehat card hasil karney k liye ehliat check karnay ka tariqa.

Baat ye hai ke us k liye aapko ksi qisam ki registration karwane ki zaroorat ni hai aur na hi ksi sifarish ki zaroorat hai NSCR ki teemay survey kar rahi hain pahley ye survey 2012 mein hawa tha ab wohi teemay dubara survey kar rahi hain .

Uska ba qaida survey shuroo ho chuka hai aap ne koi kuch ni karna agar to aap k ghar ka survey ho gya to theek ni to jald hi survey team aap k ghar aye ge aap se aap k ghar k maali halaat jaane ge aur bad mein aapko card ka ijjraa kar dia jai ga.

Ho sakta hai card apkay ghar deliver kar dia jai aur agar deliver ni hawa to chotey chotey qasbon aur shaehron mein saholiyati centers kholay jayain gey jahan se aap apna card lay sakte hain.

Aik baat aap ne yaad rakhny hai ke ajkal fraud buhat hai aap ne sirf NSCR ki team in k sawal k jaiz jawab dene hain ،us scheme mein ksi qisam ki koi siasi sifarish ،ya agar koi sarkari mulazim aap ko kehta hai ke paisay de kar mein krwa sakta hon to wo sub jhoot ho ga .ye card bilkul muft hon gey ksi qisam ki koi fees ni ho ge .

Insaf sehat card insurance kya hai us se faida kaise uthana hai ?.

Tariqa kaar ye hai ke hukomat Pakistan apkay khandan k naam insurance k 2000 rupay jama karwati hai us se aik saal k andar secondary care jis se aap ki jaan ko khatra na ho lekin aap bimar hon jaisay bokhar ،wagaira to us k liye apki insurance 60 hazar se 1 lakh 20 hazar tak hogi.

Dosri baat ke Allah na kare aapko aisi bimari laheq hai jis se apki jaan ko khatra hai ،jaisay dil k imraaz ،TB ،Sugar ،gurday ،dimag ka operation ،aur rod accident k ilava ،cancer ،Hepatitis C hon to us k liye hukomat Pakistan ne aap k liye 3 se 6 lakh rupay salana ki insurance jama karwai hai.

Aik baat aap ne yaad rakhny hai ke ye ni sochna ke agar aap ye card istamaal ni karen gey to saal k bad raqam aapko bator e cash mil jai ge aisa har guz ni hai ،jub kabhi Allah na kare aap bimar hoty hain to apney qarebi achy sarkari ya private hasaptaal jayain gey jahan ye card kaaramd ho ga to wahan us scheme ka aik numaiday baitha ho ga jo apka card daikh kar apka shanakhti card check kare ga aur wahan jo ilaaj mualjay ka khrcha ho ga wo us card k zariye adaa kya jai ga.

Agar health card survey ki team aap k ghar nahi ayi to in k number 080026477 par aap call kar k maloomat lay sakte hain . us scheme ka aghaz sub se pahley Islamabad se ho ga phr FATA aur us k bad mulk bhar mein us card ka ijjraa kya jai ga.

Us se pahley ye scheme khyber Pakhtunkhwa mein pichle 3 saal se buhat kamyabi se chal rahi hai aur ab inshaallah pore Pakistan mein mutarif karwai jai ge to agar aap khud ya apkay jan’ny wale jo haqdaar hain us help line number pe call karen aur survey team se confirm karen ke kya hamari registration ho gai hai ya kab ho ge.

Pakistan k sheher jahan aap Sehat Card hasil kar sakte hain

(Visited 160 times, 1 visits today)

Leave a Comment