web analytics

Turkey ne hukomat mukhaalif tweet like krny par Amreeki safeer k hosh thikane laga diye

Ankara (On Line) Turkey ne hukomat mukhaalif aik tweet ko like krny par Amreeki safeer ko talab krlia jis par inhain maafi bhi mangna parri .

Bain alqawami khabar rasan adary k mutabik hukomat ko matlub jala watan Turk sahafi Ergun Babahan ki 5 October ko ki gai aik matnazia tweet ko Amreeki safarat khanay k official twitter account se like kya gya tha jis par Turkey wazarat Kharja ne Ankara mein tayinaat Amreeki safeer Geoffrey Povnier ko talab krlia aur wazahat mangi gai .

Amreeki safarat khanay k official twitter account se ghalti tasleem krny aur mazrat krny k bawjod Amreeki safeer ki Turk wazarat Kharja mein talbi k bad Amreeki safarat khanay ko dubara maafi nama bhi jari karna parra tha .

Amreeki wazahat mein kaha gya ke Ergun Babahan se koi taluq ni hai aur na he un ki tweet k mawaad se mutafiq hain ،apni ghalti par afsos hai .Turk sahafi ne apni tweet mein likha tha ke ’Turkey k log aik aisay siasi dor k liye tyar ho jayain jo Turk National Party k rahnuma k bagair hoga .

us tweet ko Turk National Party k aleel rahnuma Bahachile ki mumkna maut ki khuwahish se tabeer kya gya .Turk National Party Sadar Erdoğan ki jamaat kay sath iqtadaar mein shareek bhi hai .

wazeh rahe ke Turk hukomat ko matlub matnazia tweet krny wale sahafi Ergun Babahan par 2016 mein Turkey mein hone wali nakaam fauji baghavat mein sazish krny walon k sath rabaton ka ilzaam hai aur girftari k dur ki waja se he sahafi ne jala watani ikhtiar ki hai.

(Visited 7 times, 1 visits today)

Leave a Comment