web analytics

Bharat ne Kashmiri rahnuma Shabir Shah ki jaidad zabt krli ،ehlia aur 2 betion ko ghar khaali krny ka notice jari

 

( 6 October 2019 ) Srinagar (N N I) Maqbooza Kashmir mein Bharat ki tahqiqati agency Enforcement Directorate (E.D) ne all parties huriyat conference k ghair qanooni toor par harasat mein liye gay senior rahnuma Shabir Shah ki jaidad zabt krli .

Kashmir media service ki report k mutabik E D ki janib se Shabir Shah ki ehlia aur 2 betion ko jari hone wale notice mein in se Rawalpura mein in ki rehaish ga 10roz mein khaali krny ka hukum dia gya .

Shabir Shah ki ehlia Balqees Shah aur 2 betiyan Samaa Shabir aur Seher Shabir ko September k akhir mein notice jari kya gya tha .idhar National conference Party k wafd ko Maqbooza jamoon o Kashmir mein 2mha se girftar in k 2 Aahla rahnamaon se mulaqat ki ijaazat mil gai .

Hindustan Times ki report k mutabik Party Sadar Farooq Abdullah aur Naib Sadar Umer Abdullah se mulaqat riasat k da rul hakoomat Sri nagar mein hoi .wazeh rahe ke dono afraad ko Bharat ne 5 August ko Maqbooza Kashmir ki Khasoosi hasiat wapis lene k faislay k bad girftar kya tha .

Farooq Abdullah ko Sri nagar mein in ki rehaish ga mein nazar band kya gya hai jabkay in k betay Umer Abdullah ko riasat k Guest House mein qaid hain .Farooq Abdullah aur Umer Abdullah k ilava Pipalz Democratic Party ki Sadar aur Maqbooza Kashmir ki sabiq Wazeer e Aahla Mehbooba Muftee ko bhi Bhaarti intezamiya ne zir harasat lay rakha hai .

Maqbooza riasat ko Bharat k 5August k iqdamaat k bad se lock down ka samna hai jis k bad se Bhaarti hukomat ne muwaslaat tak risayi band kardi thi aur khitaiy mein ihtayjaj ko roknay k liye pabandian aaid kardi thien .insani haquq ki tanzeemon aur Amnesty international ne baarha Bharat se siasi qaidiyon ko raha krny aur Maqbooza Kashmir se pabandian hatany ka kaha hai .

(Visited 2 times, 1 visits today)

Leave a Comment