web analytics

”Jis ne Pakistan par hamla kya goya us ne China par hamla kya”. Chini Sadar

Islamabaad (monitoring desk) senior sahafi Sami Ibrahim ne Wazir e Azam Imran Khan aur Qamar Bajwa k dora China aur Chini Sadar kay sath mulaqat par tabsara krty huwey kaha hai kay mujhey intihai ba wasuq zarraiye ne btaya hai ke army Chief General Qamar Bajwa ka dora China pahley se plan tha ،lekin Chini Sadar ne Prime Minister Office Phone kar k Wazir e Azam Pakistan Imran Khan se kaha wo bhi in dinon China mein hon .

ham ye chahtay hain ke army Chief Qamar Javed Bajwa bhi yahan par hon aur Wazir e Azam Imran Khan bhi yahan moujood hon qk us k foran bad Chini Sadar Xi jin Ping ne Bharat ka dora karna hai aur china ye nahi chahta ke dunia k ye paigham jai ke wo Pakistan ko high paas kar k seedha Bharat chala gya hai .ye dora Chini Sadar ki marzi se taiy kya gya .

Chini Sadar ،Chini Wazir e Azam ،Wazir e Azam Pakistan aur army Chief Qamar Bajwa samait Chini fauji qayadat o deigar Aahla uhdaydar mulaqat mein shareek the .sahafi ka kahna tha ke Chini Sadar ne Wazir e Azam Imran Khan se ye kaha ke ham ye samajhtay hain jo Kashmir ki Khasoosi hasiat khatam ki gai hai wo Bharat ne na sirf Pakistan par hamla kya bulkey ham usse Kashmir par bhi hamla samajhtay hain .

us mein do wajuhat shamil hain ،aik us mein ladakh ka ilaqa bhi shamil hai doosra Pakistan hai usse Bharat ne zakhmi kya hai ،ham bhi samajhtay hain ke ye China par bhi hamla hawa hai .

Chini Sadar ne mazed kaha ke ham aap se us liye mulaqat karna chahtay the ham us taser ko zaail karna chahtay hain qk Bharat aur China ka apas mein trade ka buhat bara taluq hai jo ke taqriban 100 Billion dollar ki banta hai ،us par Chini Sadar ne kaha ham ye taser dunia ko nahi dena chahtay ke jis tarah China aur Pakistan k apas mein taluqaat hain issi tarah Bharat kay sath bhi China k achy taluqaat hain ،ham us mouqay par dunia ko koi manfi taser nahi dena chahtay China Pakistan k sath taluqaat ko buhat upar k level par dekhta hai .

Xi jin Ping ne Imran Khan se kaha ke aap ki jo khud mukhtari اdur salamti hai China us ko apni khud mukhtari aur salamti samajhta hai

agar ksi ne bhi aap par koi hamla kya ya Bharat ki taraf se koi fauji karwaye hoi to china aap kay sath khara hai yahan jo Chini fauj k sarbrahan e baithey hain mein in se kehta hon ke aap ko jitna saaz o Saman jo aslaha aap ko chahiye jis tarah ki bhi amdad chahiye china bilkul fouri toor par Pakistan ko wo amdad de ga .

aap aik Committee bacha len aap apni zaroriat batayan ham aap ko sub kuch dene keliye tyar hain .us par Wazir e Azam Imran Khan ne Chini Sadar se kaha ke ham aap k bay hadd mashkoor hain aap ne jo Defense ki baat ki hai to us par mein aap ko btana chahta hon us mein koi shak nahi Pakistan mein buhat sare aqtesadi problems hain ،Pakistan k halaat buhat kharab hain .

jis aslahay ki aap baat kar rahe hain ،ye buhat qeemati hain lekin mein aap ko yahan par ye btana chahta hon Pakistani aik bari gayyoor qoum hai jo aap den gey us ka paayi paayi aap ko wapis lotaya jai ga .

Wazir e Azam Imran Khan ki baat par Chini Sadar ne kaha ke ham Pakistan ki dosti ko buhat value krty hain ،hameen nahi pata ke Pakistan us baat ko kis tarah se dekhta hai lekin aaj se 45 ،50 saal pahley china jub azaad hawa tha to us k halaat buhat kharab the aur Pakistan k aqtesadi halaat buhat achy the us waqt Pakistan ne China ki madad ki thi ham us madad keliye buhat mashkoor hain to us liye us waqt aap ko jis aslahay ki zaroorat hai aap ko jin Cheezon ki zaroorat hai us keliye na ham aap se ksi paisay ka taqaza krty hain aur na aap ye kahin ke ham aap ko paisay den gey qk aap ki azadi aur aap kay sath hamara taluq buhat ahaam hai.

(Visited 10 times, 1 visits today)

Leave a Comment