web analytics

16 aam tariqay jo joron ke dard mein kami latay hain.

Joint pain is the serious problems that people are suffering now a days. It doesn’t matter in which age period you’re.Lets learn how you can reduce joint paint.

Kya app jorron k dard mein mubtila hain ?

Agar han to app tanha nahi dar haqiqat omer ki chouthi aur 5we dehayi mein aksar afraad us takleef ka shikar hojatay hain .

Dar haqiqat omer barhnay k sath haddiyan bhi kamzor hone lagti hain jis k baaes jorron ka dard logo ko apna shikar bacha leta hai ta-hum us mein kami lana ya bachna itna bhi mushkil kaam nahi .

dar haqiqat kuch gazain ،exercises aur gharelo ashia app k jorron k dard mein qudarti tareky se numaya kami la sakte hain jis ki tibii science ne bhi taaeid ki hai .

Jorron ka dard ،asbaab ،ahtiyat aur ilaaj.

Adrak se bani chaye se lutf lena.

Muthadad tibii tahqiqi reports mein ye baat saamne aa chuki hai ke adrak k andar aisi khasiat hoti hai jo jorron k dard k liye istamaal ki jaane wali adwiyaat ka asar brha deti hai .

magar adwiyaat k bagair bhi ye kafi mufeed sabit hoti hai ،us k liye adrak ko piece kar safoof ki shakal mein istamaal karen ya us k bareek tukray karke usse chaye k liye ubaalay jaane wale pani mein 15 minute tak dabo kar rakhain ،us ka musteqil istamaal jorron k dard mein kami lanay k liye bahtreen sabit hoga .

Soojan ki rok thaam krny wali gazaon ka istamaal.

agar jorron k shikar hain to fast ،junk aur tali hoi gazaon ko turk kardein .jorron k marz k shikar mareezon par ki jaane wali aik Swedish tahqiq k mutabik jin logon ne machli ،taaza phalon o sabzion ،gandum ya deigar ajnaas ،Zaitoon k tail ،nuts ،adrak lehsan wagaira par mushtemil khorak ko apni aadat bana lia ،inhain jorron ki soojan ka kum samna hawa aur in ki jasmani sehat mein kafi hadd tak behtari ayi.

Khushboo daar masalaon ko soonghna.

aik Korean tahqiq mein ye baat saamne I hai ke jorron k dard mein mubtila afraad ki takleef mein us waqt kami aagayi jub inhain mukhtalif iqsaam k masalaon ki khushboo soonghai gai jin mein kali mirch ،garm masala aur deigar shamil the .

Bartanon ko hath se doona.

agar to ksi k haathon k jorron mein takleef hai to ye sunnay mein to ajeeb lage ga magar har bawarchi khanay mein kiye jaane wala ye aam sa kaam dar haqiqat us takleef mein kami lanay ka baaes banta hai .sub se pahley to apney hath garm pani mein kuch dair k liye dabo den takeh pathon aur jorron ko sakoon mily aur in ki akkaran kum ho .us k bad bartan dho lain.

Jorron ko garm thande ka treatment dena.

Aap ko us k liye do plastic k dabbon ki zaroorat hogi ،aik mein thanda pani aur kuch ice cubes bhar den jub ke doosrey mein aisa garm pani ho jis ka darja harart app chhoonay par bardasht kar sakain .pahley apney takleef dah jorron thande pani wale dabbay mein aik minute k liye dabo den aur us k bad 30 seconds tak garm pani wale dabbay mein mutasra jagah ko dabo den .

Aloe vera jorron k dard ka moasar ilaaj.

issi tarah dabbon ko 15 minute tak budaltay rahein ،magar har dabbay mein 30 seconds tak he mutasra jagah ko daboyen ta-hum akhir mein us ka ekhtaytam aik minute tak thande pani wale dabbay mein takleef mein mubtila jagah ko dabo kar karen.

Rozana sabz chaye k char cups ka istamaal.

America ki aik University ki tahqiq k mutabik rozana char cup sabz chaye ka istamaal se jism mein aisay chemicals ki miqdar barh jati hai jo jorron k dard mein mubtila hone ka imkaan kum kar daitey hain .aik aur tahqiq k mutabik sabz chaye mein moujood polyphenols naami Anti Oxidation soojan mein kami lanay ki salahiyat rakhte hain jis se pathon mein aaney wali tor phorr aur dard mein numaya kami aati hai.

Haldi bhi bahtreen.

Ye zard masala apney andar dard kash khoobiyan rakhta hai .mthadad tibii tahqiqi reports k mutabik haldi ka istamaal jorron k mareezon ki takleef aur soojan mein kami lata hai .

aik tahqiq mein ghutnon k jorron k dard k shikar mareezon ko rozana 2gram ya aik chaye ka chamch  haldi istamaal karayi gai jis k natijay mein in ki takleef mein kami ayi aur jasmani sar garmion mein itna izaafa hawa jo us marz k liye adwiyaat k istamaal par hota hai .haldi ka adha chaye ka chamch  chawal ya sabzion par rozana chhirak den ya aisay he pani k sath nighal len.

Vitamin C ki munasib miqdar jism ka hissa banain.

Vitamin C na sirf Collagens naami juz ki miqdar barhata hai jo jorron ka aik ahaam ansar hai bulkey ye jism k andar moujood aisay noksan dah ijza ka bhi safaya karta hai jo jorron k liye tabah kin sabit hoty hain .aik tahqiq k mutabik jo log rozana Vitamin C ki ziyada miqdar ka istamaal krty hain in mein jorron k dard mein shiddat aaney ka khatra numaya hadd tak kum hojata hai .

Din bhar Vitamin C se bharpoor ashia ka istamaal karen qk hamara jism us Vitamin ka zakheera nahi karta bulkey doran khoon k zariye matlooba maqamat par puhncha kar kuch dair bad kharij kar deta hai .to subh us ki ziyada miqdar ka istamaal itna bhi behtar nahi jitna aap khayal krty hain waise bhi Vitamin C se bharpoor phal aur sabzion ka istamaal kse na pasand ho sakta hai.

khorak mein Clove (Long) ko shamil karen

Clove (Long) mein soojan par qabu pane wale chemical Eugenol moujood hota hai jo ke us jasmani amal par asar andaz hota hai jo jorron k dard ko barhata hai .aik tahqiq k mutabik Clove (Long) ka istamaal aisay protein ko jism mein kharij hone se rokta hai jo soojan ko barhata hai .
us k ilava Cloves (Long) mein Anti Oxidation moujood hoty hain jo haddiyon ko kamzor hone ka amal soost kar daitey hain .us ka aday se aik chaye ka chaman rozana istamaal jorron k dard mein kami k liye bahtreen hota hai

Omega 3 Fatty Acids ka istamaal.

Omega 3 Fatty Acids takleef dah jor ko rahat pohnchanay k liye bahtreen hoty hain aur thande panio ki fish mein us chemical ki buhat ziyada miqdar hoti hai .
ta-hum us chemical k supplement bhi dastyab fan jo Doctors k mashwaray se istamaal kiye ja sakte hain .us k ilava khanna Canola oil mein bananay ko tarjih den qk us mein bhi Omega 3 Fatty Acids moujood hoty hain.

Adrak ka marham banana.

Pissi hoi adrak ko us jor par lagain jis par takleef ho rahi ho to us se jism mein aik damaghi juz ki kami hoti hai jo dard ki lehar app k markazi asaabi nizaam tak pohnchati hai .

Adrak k marham ko bananay k liye taaza adrak k 3 inch k tukray ko piece len jis mein kuch miqdar mein zaitoon ka tail shamil karke usse paste ki shakal de den aur phr takleef dah jor par lagain .us k bad us jagah ko ksi patti se das se 15 minute tak dhaka rehnay den

Nangay paon chehal qadmi.

Kisi ghaas wale muqam par nangay paon chehal qadmi mein ghutnon k dard mein barah fissad tak kami hoti hai .

aik Amreeki tahqiq k mutabik khuli fizaa mein kuch dair tak nangay paon ghoomna takleef mein kami ka baaes banta hai magar apni airhion ko upar utha kar ya panjon k Bill chalnay ki koshish na karen qk us se jorron par dabao mazed barh jata hai.

Masalay daar gaza ka istamaal.

Lal mirch ،adrak aur haldi mein soojan mein kami lanay wale ijjzaa moujood hoty hain aur wo aisay damaghi signals ko bhi block krty hain jo dard ki lehrain Transment krty hain .to munasib hadd tak mirch masalay wali gazain bhi us takleef k liye bahtreen hain ya mirchon se koi chattni ya sas tyar karlen jo app ki maiz par har waqt moujood ho

Calcium ka ziyada istamaal.

Buhat kum miqdar mein Calcium ka istamaal haddiyon ka bhar bhara pan ya kamzori ka khatra brha deta hai ،jis k natijay mein jorron k dard ki janib safar bhi tez raftaar hojata hai .
50 saal ki Umer k bad tamam khwateen ko rozana 1200 mili gram Calcium ka istamaal yaqini banana chahy ،doodh ya us se bani masnoaat Calcium k hasool ka bahtreen zareya hain magar doodh se bachi gazain bhi us ka intihai bahtreen zareya hain .

Ghobi aur sabz patton wali sabzion mein bhi Calcium paya jata hai jo miqdar k lehaz se doodh se kum hota hai magar ye jism mein ziyada asani se jazb hojata hai.

Suraj ki roshni mein kuch dair rahna.

Muthadad afraad mein jorron ka dard Vitamin D ki kami ka nateeja bhi hota hai .tibii reports k mutabik jism mein Vitamin D ki sata mamool par rakhna haddiyon ko noksan se banata hai jis k natijay mein jorron ka marz app ko shikar nahi karta .

apney jism mein Vitamin D ki sata ko barhanay k liye rozana 10se 15minute suraj ki roshni mein rahna faida mand sabit hota hai .us k ilava doodh ya us se bani deigar masnoaat bhi Vitamin D k hasool ka bahtreen zareya hain

Machli k tail se banay capsule

aik Bartanwi tahqiq k mutabik machli k tail se banay capsule bhi joron mein hone wali takleef ka baaes banay wale amal ko soost kar deta hai jis se shiddat mein kami aati hai .

machli k aam tail se banay capsules ka istamaal bhi us hawale se faida mand sabit ho sakta hai jo dard ka baaes banay wale enzymes ki miqdar ko kum kar daitey hain.

(Visited 10 times, 1 visits today)

Leave a Comment