web analytics

Saudi khwateen ko bari azadi mil gai khwateen seyahon keliye abaya ki shart khatam kardi gai .

 

Riaz (NNI) Saudi hukomat ne pehli baar siahati veezay ka ilaan kar dia jub ke khwateen seyahon k liye abaya lene ki lazmi shart bhi khatam kardi .gair mulki khabr isaan adary k mutabik Saudi Arab ki hukomat ki janib se kiye gay ilaan mein kaha gya ke on line siahati visa 49 mamalak k liye hoga jub ke siahati veezay ka bunyadi maqsad mulk ki maeeshat ko parwaan charhana hai .

us siahati program mein khwateen k lebaas k hawale se Saudi hukomat ne apney sakht qanon mein tarmim ki hai jis mein beron e mulk se aanay wali khwateen ko us baat ki ijaazat hogi ke wo abaya na pehnayn bulkey munasib lebaas k sath mulk ki sair karen .

Saudi tourism chief Ahmed Al Khatib ka kahna tha ke siahati veezay mein buhat sare virsay aur asaar qadima wale mqamat hain jub ke Madina Munawwrah aur Muqadas mqamat par siahati veezay par aanay walon k liye pabandi hogi qk ye he filhaal muslman zaairein tak he mehdood hain .

wazeh rahe ke Saudi Arab mein khwateen k liye abaya lazmi hai aur us k bagair koi bhi khatoon aam kapron mein bahar ni ja sakti .Saudi hukomat ka kahna tha ke umed hai ke 2030 tak siyahat ki majmoi mulki pedawar mein 10 fissad tak shirakat hogi jo us waqt 3 fissad hai .

Saudi hukomat k mutabik siyahat k shubay mein 10 lakh nokariyan paida hone ki bhi tawaqu ki jarahe hai .us se qabl 2017 mein Saudi Wali ehd ne Bahira Ahmar k 50 jaziron aur deigar qadeem mqamat ko aish o aaram ki resorts mein tabdeel krny k leye aik arab dollar k mansooby ka bhi ilaan kya tha.

(Visited 5 times, 1 visits today)

Leave a Comment